RomsaDál mearkkaša TromsøNå Davvi-sámegillii. RomsaDál bokte mii háliidat čalmmustahttit sámegiela álmmolaš lanjain Romssa gávpogis. Mis lea ovttasbargu Tromsø Idrettslag:ain, Gáisi giellaguovddážin, Sámi Studeanta Servviin, RomsaNoereh, Romssa Sámi Váhnenfierpmádat ja Romssa Sámiservviin. Mis leat čeahpes ovttasbargit, ja sis mii oažžut nana doarjju čađahit RomsaDál áigumušaid.
Romsa lea #DoarváiDál/#NokNå kampánja bokte čalmmustahttán ja bissehan sámivaši, rasismma ja vealaheami. RomsaDál lea váldán ášši viidásat ja mii háliidat ahte Romssa válaštallan joavkkut, fitnodagat, fitnodatolbmot ja organisašuvnnat galget searvat loktet Sámi ja Sámegiela árvvu Romssa gávpogis. Stuorámus sávaldat lea ahte Romssa álbmot dovdá rámivuođa ahte Romssa gávpogis leat sápmelaččat, sámegiella ja Sámi kultuvra.
Govva: Nicole Sowerby
Searvá go du fitnodat, válaštallanjoavku dahje organisašuvdna čálmmustahttit sámegiela? Šatta ovttasbargi minguin