RomsaDál vuođđuduvvui ođđajagimánus, ulbmil prošeavttain lea positiivalaččat čalmmustahttit sámegiela, kultuvrra ja identitehta. Dál joatká prošeakta ođđa 4 mánuin (olles borgemánu 2022 rádjái), ollu dan sivas go mis leat nu buorit ovttasbargit leamašan čađat prošeavtta.
RomsaDál lea dehálaš bargu. Sámedikki ruhtajuolludeami geažil lea mis leamašan prošeaktajođiheaddji njeallje mánu 100% virggis. TIL lea leamašan stuorra veahkeheaddji RomsaDál:ii ja buorre formálalaš eaiggát mii lea dahkan ahte mii leat olahan nu ollu oalle oanehis áiggis.
Tromsø IL lea ohcan ruhtadoarjaga iešguđetge aktevrrain vai sáhttit guhkidit Elle Nystad prošeaktajođiheaddjivirggi, vai mii sáhttit joatkit dáinna dehálaš bargguin.
Dađibahábut oaidnit mii ja lohkat áššiid ain gos sápmelaččat vásihit vašisin identitehta ja etnisitehta geažil.. Lea surgat oaidnit ahte olbmot, ja mánát maiddái ain vásihit dákkár dáguid otná beaivve.
Dán fertet mii heaittihit! Ja buohkat fertejit leat mielde! Mii eat sáhte dohkkehit dákkár láhttenvuogi Romssas, ii ge muđui riikas!
RomsaDál lea leamaš sorjavaš eará aktevrrain oaččut ruhtadeami. Lea stuorra gutni Troms Kraft nanaguoddevašfoanddas fidnet ruhtajuolludeami vai mii sáhttit joatkit prošeavttain moadde mánuin vel! Mii leat nu giitevaš ja lea leamaš oalle addevaš singuin ovttasbargat. Troms Kraft lea aktiivalaččat geavahan davvi-sámegiela sin neahttasiiddus. Sin nanaguoddevašfoandda geažil leat mii ožžon doarjju sis joatkit prošeavttain.
TIL lea maiddái ohcan ruhtajuolludeami Sámedikki álmmolaš ohcandoarjagis.
Mii doaivut ahte RomsaDál boahtte áiggis nagoda šaddat iešheanalaš aktevra.
Mii RomsaDál:as ja TIL:as doaivut ahte nu olusat geat háliidit doarjut RomsaDál dahket nu, ja šaddet min ovttasbargit dán dehálaš barggus!