RomsaDál álggahuvvui dego boahtte oassin #DoarvaiDál kampánjjas. #DoarvaiDál kampánja bokte Romsa logai: “doarvai sámivašši dál”. Dát kampánja álggahuvvui maŋŋá go okta nuorra nissunolmmoš vásihii unohas dáhpáhusa busses, danin go hálai Sámegiela. Nuorra nissona eatni čálii dán birra FaceBookas, ja su čálus leavai miehtá interneahta olles riikas. #DoarvaiDál kampánja mihtomearri lei bissehit, čalmmustahttit ja bargat sámivaši vuostá. Romssa gávpogis lea stuorra sámiálbmot, muhto oalle vahát ahte ollusat dáppe vásihit sámivaši. Dát lea ášši maid Romssa gávpot ii galggašii dohkkehit. RomsaDál prošeakta lea dego nubbi oassi dás – mii háliidat ahte sámi mánát ja nuorat galget dovdat ahte sii dohkkehuvvojit ja leat bures boahtin Romsii, mii lea sámi gávpot! RomsaDál áigumuš lea rámivuođa sámiide olahit, vai sámit loktet buoret Romssa gávpogis. Mihtomearri lea nanosmahttit ja ovddidit sámi kultuvrra, giela ja servvodaga positiivalaš doaimmaid bokte.
Deháleamos midjiide lea oaččut stuorra-servodaga mielde. Juovlamánus mii bovdiimet olbmuid iešguđetge valáštallanservviin, ealáhusdoaimmain, fitnodagain, ja earáid min kick-off čoahkkimii gos mii álmmuheimmet prošeavtta. Otne de leat mis badjelaš 12 ovttasbargi geat háliidit leat mielde min prošeavttas. Ja mii oažžut dađistaga eanebuid mielde.
Tromsø Idrettslag lea RomsaDál formálalaš eaiggát, ja Sámediggi lea ruhtadan prošeavtta. Tromsø IL lea áibbas heivvolaš eaiggát prošektii, go TIL oaidná, guldala ja berošta buohkain Romssa servvodagas. Lea stuorra oassi valáštallamis ahte buohkat galget loaktit, doaibmat ja ovttasbargat. Tromsø Idrettslag ráhkada buorre oktavuođa ja lea arena buohkaide. Valáštallan galggašii leat ovdagovva movt galgá organiseret stuorraservvodaga, gos iešguđetge álbmogat galget doaibmat ja ovttasbargat. Ii livčče leat buoret formálalaš eaiggát go TIL.
